Në nëntor Konferenca për “Shqipërinë Sociale”! Rama zbulon çfarë u diskutua me socialistët te “Vila e kuqe”

Kreu i qeverisë shqiptare Edi Rama ka shpërndarë sot në rrjetin social Facebook detaje nga takimi i fundit i mbajtur me deputetët dhe udhëheqësit politikë të qarqeve.

Në postimin e tij, Rama nënvizoi intensitetin e punës për përgatitjen e programit të ri. Ai theksoi se u diskutuan mekanizmat e reja për bashkëpunimin midis qeverisë dhe deputetëve, me qëllim përmirësimin e shërbimeve publike. Po ashtu, u bisedua për hartimin e ndryshimeve ligjore që do të mbështesin platformën “PasqyrAlbania”. Përmbledhje u bë edhe progresi në draftimin e nismës “Shqipëria Sociale”, e cila do të ketë një konferencë kombëtare të posaçme në nëntor.

Gjatë takimit, kryeministri iu drejtua socialistëve me udhëzime të qarta. Ai kërkoi që strukturat e partisë të jenë më aktive në terren dhe të dëgjojnë drejtpërdrejt shqetësimet e qytetarëve. Drejtuesit politikë, bashkë me deputetët dhe kryebashkiakët, do të hartojnë një plan veprimi për takime me publikun. Më pas, problemet e mbledhura do të kategorizohen dhe do t’u dërgohen ministrave përkatës, duke i ngarkuar edhe një zëvendësministër me ndjekjen e tyre.

Rama u bëri thirrje socialistëve gjithashtu që këto takime të zhvillohen pa domosdoshmërinë e kamerave, duke iu dhënë përparësi komunikimit të sinqertë me njerëzit.

Sa i përket “Pasqyrë Albania”, u bë e ditur se funksionalizimi i saj kërkon një bazë ligjore, ashtu siç ka ndodhur me Ligjin e Bashkëqeverisjes. ende nuk është përcaktuar një datë konkrete për mbledhjen e Asamblesë së Partisë Socialiste.

Në ditën e nesërme, kryeministri Rama pritet të takohet me udhëheqësit politikë dhe deputetët e qarkut të Tiranës. Takimi është parashikuar të mbahet në periferi të kryeqytetit.