“Në izolim me tre vrasës serial”, pas letrës së Veliajt, e ëma shkon për ta takuar në burg

Shqiponja Veliaj ka mbërritur në burgun e Fierit për të takuar djalin e saj, Erion Veliajn. Nëna e kryebashkiakut të Tiranës ka hyrë në institucionin e vuajtjes së dënimit, ku pritet të zhvillojë takimin me të, sipas A2CNN.

Një ditë më parë, në një letër, kryebashkiaku i Tiranës, Erion Veliaj, deklaroi se ndodhet në të njëjtin korridor me tre vrasës serialë, të dënuar me burg të përjetshëm.

Ai u shpreh se "Futja në izolim për 10 ditë, pa ujë e dritare, pa kujdes mjekësor, refuzim i ushqimit". Veliaj shtoi se "asnjë arsye për transferimin/izolimin, asnjë telefonatë për familjen dhe avokatin, në të njëjtin korridor me 3 vrasës serialë me burgim të përjetshëm".