Ndryshimet në Kodin e Procedurës Penale/ Petraj: Për veprat me dënim nën 5 vite, të mos jepet “arrest me burg”

Ndryshimet në Kodin e Procedurës Penale, Petraj: Vepra me dënim nën 5 vjet të mos ketë masën “arrest me burg”

Avokati Edmond Petraj e sheh si hap pozitiv forcimin e rolit të mbrojtjes përmes ndryshimeve në Kodin e Procedurës Penale.

Ai i bëri komentet në emisionin “Newsroom” në ABC News.

Sipas tij, çdo provë e siguruar nga prokurori gjatë hetimeve duhet t’i vihet në dispozicion avokatit dhe personit të mbajtur në paraburgim.

Petraj vlerësoi se veprat që dënohen me më pak se pesë vjet burg nuk mbartin rrezikshmëri të lartë shoqërore.

Ai kujtoi se kërkesa për të mos caktuar masën e arrestit me burg për këto vepra është ngritur nga prokurorët e përgjithshëm që prej vitit 2005.

Por ajo kërkesë nuk u mor parasysh.

Në praktikë, shtoi ai, ishte prokurori ai që vendoste drejtimin e hetimit për çdo vepër penale konkrete.

Në fjalën e tij, avokati u shpreh:

“Janë munduar të sjellin në pah rolin dhe fuqinë e avokatëve. Avokati është pjesa më e mënjanuar. Marrëdhënia tani për të realizuar, nene të veçanta për masat e sigurisë, ka qenë element që edhe prokurorët e përgjithshëm, që nga 2005, kanë kërkuar që nën 5 vjet, të mos jepet arrest me burg. Por vazhdimisht nuk u mor parasysh dhe ishte prokurori ai që vendoste, sesi do të jepte hetimin për një vepër të caktuar penale. Por këto vepra penale nuk kanë rrezikshmëri të lartë shoqërore. Për mendimin tim, nuk ka ndërhyrje të qëllimshme nga kjo. Duhet futur edhe pjesa e masës administrative për çdo shkelje, që kapen në flagrancë. Të hidhet në veprim pjesa e masës administrative. Mendoj se do bëhet siç e kanë vendet e tjera të Bashkimit Evropian. Gjatë hetimit, provat që ka mbledhur prokurori, duhet t’ia dorëzojë avokatit dhe personit që është në paraburgim. Nëse do bëhet kjo, do kemi ndarje të pushteteve. Nëse provat janë në një krah apo krah tjetër të peshores, duhet parë se ku prevalon. Nëse një deklaratë e mbledhur, akt marrëveshje, deklaratë pajtimi, është e mira, nuk kemi pse aktivizojmë institucione të tjera jashtë”, theksoi ai.

Sipas Petrajt, zbatimi i masës administrative për shkeljet e kapura në flagrancë do ta lehtësonte sistemin.

Ai mendon se modeli do të përafrohet me atë të vendeve të Bashkimit Evropian.

Në këndvështrimin e tij, dorëzimi i provave te mbrojtja do të sillte një ndarje më të qartë të pushteteve në proces.