Miley Cyrus shfaqet vetëm me të brendshme në videoklipin e ri, teksa kërcen pranë balerinëve pa bluzë

Miley Cyrus ka hedhur në qarkullim videoklipin e ri të këngës "Bass Persuades", i cili po tërheq vëmendjen menjëherë për shkak të paraqitjes së saj në të. Këngëtarja 33-vjeçare shihet teksa kryeson skenat me një dukje mjaft provokuese.

Në videoklip, Cyrus shfaqet në disa raste veshur vetëm me të brendshme. Ajo kërcen në një ambient që evokon atmosferën e viteve 1980. Fillimisht vishet me një sytjenë të zezë, pantallona me bel të lartë, kapelë dhe doreza. Më pas, ajo heq disa pjesë të veshjes, duke u shfaqur me pantallona të shkurtra, geta dhe taka transparente, sipas DailyMail.

Në disa sekuenca, Cyrus kërcen pranë një grupi balerinash që janë pa bluzë. Më vonë në video ajo shihet me një xhaketë lëkure, duke ecur në rrugët e qytetit dhe udhëtuar me një automobil të hapur sipër.

"Bass Persuades" është kënga kryesore e albumit të ri të saj, i dhjeti në karrierë, i cili mban të njëjtin emër. Publikimi i tij është planifikuar për më 18 shtator. Përmes kësaj kënge, Miley Cyrus ofron një ndjesi nostalgjike dhe u bën thirrje dëgjuesve të lënë telefonat mënjanë dhe t'i kthehen kërcimit dhe argëtimit.