‘Meriton të rrihesh, siç të rrahu Buzhala”. Lala sulmon Rexhajn! Fevziu: Ik nga emisioni, mos më thuaj mua “or ti”…

Gazetarja Klodiana Lala ka reaguar nga studioja e emisionit "Opinion" ndaj akuzave të hedhura sot nga ish-kreu i SHISH-it, Vlora Hyseni.

Deklarata e Hysenit u dha para mediave te dera e SPAK-ut, pak para ndërhyrjes së Lalës në studio.

Pretendimet për gjoja takime me agjentë serbë në hotele u cilësuan prej gazetares si shpifje e neveritshme.

Sipas saj, bëhet fjalë për një përpjekje banale shantazhi që lidhet drejtpërdrejt me detyrën profesionale.

Përveç kallëzimit penal të depozituar në Prokurorinë e Posaçme, Lala paralajmëroi edhe hapa të tjerë ligjorë.

Ajo bëri me dije se familja e saj ka nisur veprime ligjore në Britaninë e Madhe për shkak të kërcënimit ndaj sigurisë.

Debati u tensionua edhe më shumë gjatë transmetimit.

LIVE në studio, Lala sulmoi ashpër analistin Albtros Rexhaj. "Ti e meriton të rrihesh sic të rrahu Berat Buzhala, por nuk i ndyej duart me ty", iu drejtua ajo.

Në diskutim ndërhyri edhe drejtuesi i emisionit, Blendi Fevziu. Ai u përplas po ashtu me Rexhajn.

"Mos me thuaj mua or ti, se del përjasha direkt", tha Fevziu.