“Menduam se ndeshja ishte e fituar”, Marani i zhgënjyer: Mund ta kishim mbyllur grupin me 12 pikë

Kuqezinjtë siguruan fitoren e tretë në grup. Kombëtarja mundi San Marinon 2-1 në një përballje me shumë emocione.

Ishte Asllani ai që zhbllokoi sfidën. Mesfushori gjeti rrjetën në minutën e 10-të me një ekzekutim spektakolar. Goli i shpejtë la përshtypjen se do të vinte një rezultat i thellë. Në fushë ndodhi e kundërta.

Miqtë reaguan dhe barazuan. Lazari ndëshkoi Shqipërinë në minutën e 66-të dhe befasoi të gjithë. Gol i papritur. Pas tij kuqezinjtë u hodhën përpara në kërkim të fitores.

Zgjidhja erdhi në shtesë. Ismajli fitoi penallti në minutat e fundit. Nga pika e bardhë Asllani u tregua i saktë dhe vulosi suksesin 2-1.

Me këto tre pikë Shqipëria rikthehet në krye. Kuqezinjtë kanë grumbulluar 9 pikë në renditje.

Në përfundim të takimit trajneri dhe futbollistët folën për "TV Klan". Maran pranoi se paraqitja nuk ishte në nivel.

"Sigurisht nuk zhvilluam ndeshje të mirë. Megjithatë morëm tri pikët", tha ai. Sipas tij, rasti u shpërdorua në pjesën e parë. "Krijuam shumë raste, por nuk i konkretizuam. Në të dytën e ulëm ritmin. Menduam se e kishim fituar ndeshjen".

Tekniku theksoi se duhej mbyllur më herët. Ndonjëherë përqendrimi bie ndaj kundërshtarëve të tillë, shtoi ai. Skuadra e kishte kontrollin, por i mungoi goli i sigurisë.

Maran dha edhe një detaj për Muçin. Sulmuesi u detyrua të linte fushën për shkak të një dhimbjeje në kofshë.

Në fund ai u ndal te pikët e humbura. "Po të llogarisim edhe ndeshjen me Finlandën, sot mund të ishim me 12 pikë dhe ta kishim mbyllur grupin", përfundoi trajneri.