Mblidhet sot Grupi Parlamentar i PS, pritet të bëhen publike masat për protestuesit e dhunshëm

**PS mblidhet në orën 09:00, pritet të dalë paketa e sanksioneve për protestuesit e dhunshëm**

Të martën, në orën 09:00, Grupi Parlamentar i Partisë Socialiste do të mblidhet në ambientet e Kryesisë së Kuvendit. Mbledhjen e ka thirrur kryeministri Edi Rama.

Pritet që në këtë takim të bëhet publike paketa e masave dhe e sanksioneve ndaj personave që kryejnë akte dhune gjatë protestave studentore që po zhvillohen në kryeqytet.

Vendimi për të mbledhur grupin mazhoritar vjen pas paralajmërimeve që kreu i qeverisë kishte dhënë më parë. Ai ka kërkuar ashpërsim të kuadrit ligjor dhe administrativ ndaj protestuesve që dëmtojnë pronën publike e private, ose që përplasen me forcat e rendit.