Mashtrimi me Call Center, Apeli i GJKKO lë në fuqi dënimet për 16 të pandehurit e grupit të Bruno Çobos që zhvatën 5 mln euro! Ja sa burg do vuajnë

Apeli i Posaçëm ka vulosur dënimet për rrjetin e mashtrimit me call center që drejtohej nga Bruno Çobo. Gjyqtarët rrëzuan ankimet e 16 të gjykuarve dhe lanë të pandryshuara vendimet e shkallës së parë.

Në total, dënimet e konfirmuara kalojnë 100 vite burg. Sipas akuzës, grupi ka zhvatur rreth 5 milionë euro nga qytetarë të vendeve europiane.

Metoda bazohej te kontaktet telefonike. Anëtarët e grupit u ofronin viktimave blerje aksionesh të kompanisë “Amazon” në internet. Ata premtonin fitime të larta brenda një kohe shumë të shkurtër.

Procedimi nisi në Itali gjatë shtatorit të vitit 2020. Shkak u bë denoncimi i një qytetari italian. Ai kishte humbur 700 mijë euro pasi kishte besuar te kjo ofertë investimi.

Me vendimin e fundit, secili prej të dënuarve do të vuajë këtë dënim:

Bruno Çobo – 8 vite burg

Elisa Çaçi – 7 vite e 4 muaj burg

Gilbert Palushani – 7 vite e 4 muaj burg

Aldo Pasku – 6 vite e 8 muaj burg

Bruno Gjika – 6 vite e 8 muaj burg

Rezarta Ibrahimi – 6 vite e 8 muaj burg

Valbona Abedinaj – 7 vite e 4 muaj burg

Erion Kastrati – 7 vite e 4 muaj burg

Orland Cani – 6 vite e 8 muaj burg

Florjan Bregu – 6 vite e 8 muaj burg

Hamit Dobi – 6 vite e 8 muaj burg

Greta Gjoci – 6 vite e 8 muaj burg

Gjin Shelnishta – 6 vite e 8 muaj burg

Antoneta Malo – 6 vite e 8 muaj burg

Silvana Veliu – 6 vite e 8 muaj burg

Mojsi Zuna – 6 vite e 8 muaj burg