“Liri për çlirimtarët”, Vedat Muriqi festoi golin me mesazhin “Jo në emrin tim” (VIDEO)

Vedat Muriqi e vendosi ndeshjen për Kosovën në Prishtinë. Goli i tij në minutën e 83-të solli fitoren, por festimi mori pothuajse po aq vëmendje sa aksioni në fushë.

Sulmuesi kosovar zbuloi pas rrjetës një bluzë me mbishkrimin "Liri për çlirimtarët". Në pjesën e pasme të bluzës lexohej qartë mesazhi "Jo në emrin tim".

Gjesti u lidh menjëherë me zhvillimet e fundit për ish-krerët e UÇK-së dhe proceset që po zhvillohen në Dhomën e Specializuar të Kosovës në Hagë. Pamjet e festimit u shpërndanë me shpejtësi në rrjetet sociale dhe nxitën reagime të shumta pas ndeshjes, raporton A2.

Pas takimit, kapiteni i Kosovës deklaroi se fitoren ua dedikon çlirimtarëve dhe ish-udhëheqësve të Ushtrisë Çlirimtare të Kosovës. Ata u dënuan javën e shkuar me 81 vjet burgim në total. Muriqi foli fillimisht për atë që dha në fushë, një gol vendimtar që i siguroi Kosovës tri pikët në nisjen e Ligës së Kombeve.

Kështu ai u shndërrua në protagonistin absolut të mbrëmjes në Prishtinë. Jo vetëm për rrjetën e fitores, por edhe për festimin që vijoi të komentohet gjatë pas vërshëllimës finale.