Liga e Kombeve/ Transferta e kuqezinjve në Finlandë, Maran “kthehet” te Bjellorusia! Kombëtarja vijon përgatitjet për sfidën direkte

Kombëtarja shqiptare e ka të qartë objektivin. Vendi i parë në grup. Data 3 tetor mund të peshojë shumë për fatin e kreut.

Kuqezinjtë luajnë në transfertë ndaj Finlandës. Është sfida e tretë në Ligën e Kombeve. Pas gjashtë pikëve të plota në dy ndeshjet e para, tani kërkohet një tjetër rezultat pozitiv.

Përgatitjet u zhvilluan në stadiumin e Çezenës në Itali. Aty ku Shqipëria fitoi 3-0 ndaj San Marinos. Që nga e enjtja ekipi është zhvendosur në Helsinki.

Lajm i mirë vjen nga prapavija. Cakes e ka lënë pas dëmtimin dhe është i gatshëm për mbrojtjen.

Sipas informacioneve nga grumbullimi, trajneri Rolando Maran do të ndërhyjë sërish te formacioni. Pritet t'u besojë lojtarëve që u aktivizuan të shtunën e kaluar kundër Bjellorusisë.

Ende nuk është vendosur porta. Dilema mbetet mes Berishës dhe Sherrit. Ndërsa në mbrojtje Hysaj dhe Pilo priten titullarë.

Asllani dhe Muçi konsiderohen të paprekshëm në skemat e teknikut. Uzuni ka shanse për të luajtur. Manaj mbetet si gjithmonë qendërsulmuesi. Arbër Hoxha mund të startojë sërish nga minuta e parë. Edhe Ramadani projektohet titullar në mesfushë.

Shqipëria kryeson Nivelin C të Ligës së Kombeve me 6 pikë, Finlanda ndjek me 4. Një fitore në Helsinki do ta bënte vendin e parë shumë të arritshëm. Edhe barazimi do të ishte rezultat pozitiv për kuqezinjtë.