Liga e Kombeve/ Nesër përballja e rëndësishme me Finlandën, zbulohet formacioni i mundshëm i kuqezinjve! Maran kërkon vendin e parë

Kuqezinjtë zbresin nesër në fushë ndaj Finlandës për një tjetër provë në Ligën e Kombeve. Sfida luhet në transfertë, duke nisur nga ora 15:00.

Shqipëria synon të zgjasë serinë pozitive dhe të mbrojë kreun e grupit. Pas dy ndeshjeve të para, kuqezinjtë kanë pikë të plota dhe kryesojnë renditjen.

Trajneri Maran po mendon disa lëvizje në rreshtim. Objektivi është të kombinohet eksperienca me energji të reja në reparte të ndryshme. Ai kërkon vendin e parë dhe një tjetër rezultat pozitiv.

Në portë pritet rikthimi i Berishës. Ndërsa prapavija dhe mesi i fushës pritet të mos preken shumë, duke ruajtur bërthamën e konsoliduar.

Për repartin ofensiv, alternativat më të besueshme mbeten Daku, Hoxha dhe Muçi. Ata shihen si opsionet ideale për të përballuar një kundërshtar që shquhet për forcë fizike, si Finlanda.