“Kujdes dhe ndihmë mjekësore pa asnjë dallim”, Spahiu viziton policët dhe protestuesit e lënduar te ‘Trauma

Ministrja e Shëndetësisë Klodiana Spahiu ka vizituar në Spitalin e Traumës efektivët e policisë dhe protestuesit e lënduar gjatë protestave.

Ajo u takua me të plagosurit që po marrin trajtim në këtë qendër spitalore. Efektivët paraqesin lëndime në këmbë dhe në fytyrë.

Gjatë vizitës ministrja vlerësoi angazhimin e stafit mjekësor. Puna ka vazhduar pa ndërprerje.

“Mirënjohje për të gjitha ekipet mjekësore dhe infermierore, që gjatë këtyre pesë ditëve kanë qenë pa ndërprerje në krye të detyrës, duke ofruar kujdes dhe ndihmë mjekësore për çdo të lënduar, pa asnjë dallim. Shëndeti dhe jeta e çdo qytetari janë mbi gjithçka!”, shprehet ministrja.

Ajo theksoi se kujdesi shëndetësor është ofruar për këdo pa dallim.