Kthyen në bazë droge apartamentin me qira, arrestohet çifti shqiptaro-brazilian në Shkodër! Ja çfarë u zbuloi Policia pas kontrollit (VIDEO)

Dy persona janë arrestuar në Shkodër gjatë operacionit të koduar “Rent home 10”. Në pranga ranë një shtetase braziliane dhe një 40-vjeçar.

Hetimet nisën pas dyshimeve se një apartament me qira në lagjen “Ahmet Haxhia” po shfrytëzohej për veprimtari të kundërligjshme.

Në pranga ra 29-vjeçarja nga Brazili. Sipas policisë, ajo kishte marrë banesën me qira dhe e kishte përshtatur për prostitucion dhe për shitje të lëndëve narkotike.

Gjatë ndërhyrjes në apartament u arrestua edhe 40-vjeçari. Ai është banues në Shkodër dhe dyshohet se përfitonte nga aktiviteti i paligjshëm që zhvillohej aty.

Efektivët sekuestruan në ambient lëndë të dyshuara narkotike kokainë dhe Cannabis Sativa. Po ashtu u bllokua një shumë parash në euro dhe në lekë.

Operacioni u finalizua pas disa ditësh hetime. Verifikimet u kryen nga specialistët e Sektorit për Hetimin e Narkotikëve, për të dokumentuar veprimtarinë kriminale brenda banesës.

Materialet procedurale i janë përcjellë Prokurorisë për veprime të mëtejshme.