ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Paralajmërimi i koncertit të këngëtares serbe Svetlana Razhnatoviq – e njohur si Ceca – më 5 dhjetor në qytetin Burgdorf të kantonit të Bernës, ka nxitur debate në Zvicër. Ndërsa organizatorët e shohin 53-vjeçaren si një yll të muzikës pop dhe person që sjell fitim të sigurt, për një pjesë të madhe

Konkerti i këngëtares serbe Svetlana Razhnatoviq, e njohur si Ceca, është paralajmëruar për 5 dhjetor në Burgdorf të kantonit të Bernës. Lajmi ka nxitur një polemikë të re në Zvicër. Organizatorët e shohin 53-vjeçaren si një yll të muzikës pop. Për një pjesë të madhe të komuniteteve nga Kosova, Bosnja dhe Kroacia, ky paralajmërim do të jetë një fyerje e rëndë. Ai rikthen kujtimet e përgjakshme të viteve të nëntëdhjeta, shkruan gazeta Basler Zeitung.
Gjatë luftërave në ish-Jugosllavi, kur regjimi i Sllobodan Millosheviqit shkaktoi mbi 130 mijë viktima, Ceca u ngjit në ikonën e muzikës “turbofolk”. Ky zhanër shërbeu si ushqim i nacionalizmit serb. Ngritja e saj është e pandashme nga martesa e bujshme në shkurt të vitit 1995 me kriminelin e luftës Zhelko Razhnatoviq, të njohur si Arkan. Ajo martesë simbolizoi bashkimin e politikës, të krimit të organizuar dhe të kulturës popullore në Serbinë e atëhershme.
Nën komandën e Arkanit, njësia paramilitare “Tigrat e Arkanit” kreu masakra ndaj popullsisë civile në Vukovar të Kroacisë, në Bosnjë dhe më pas edhe në Kosovë. Përpara se të vritej në një hotel në Beograd në vitin 2000, Tribunali i Hagës kishte ngritur aktakuzë për krime lufte, dhunime dhe krime kundër njerëzimit. Pak kohë më parë, në vitin 1983, Arkani kishte qenë i burgosur në Zvicër, në burgun Thorberg të Bernës. Ai arriti të arratisej duke kapërcyer murin katër metra të lartë.
Pas vrasjes së bashkëshortit, Ceca ruajti lidhjet me strukturat e errëta të pushtetit dhe të krimit. Në vitin 2003, pas vrasjes së kryeministrit reformator Zoran Gjinqiq, në vilën e saj u gjetën armë të paligjshme. U zbuluan edhe kontaktet e saj me Milorad Ulemek “Legija”, një ish-pjesëtar i “Tigrave të Arkanit” i dënuar për atë atentat. Po ashtu, në vitin 2011 ajo e pranoi se kishte përvetësuar miliona euro nga shitja e klubit të futbollit FK Obiliq, të cilin e kishte trashëguar nga Arkani.
Ndonëse sot mundohet të paraqitet si artiste jopolitike, në vitin 2002 ajo deklaroi publikisht për Tribunalin e Hagës: “U djegtë, o zot, dhe e urrej Carla Del Ponten”. Me ato fjalë iu referua kryeprokurores zvicerane që kërkonte ekstradimin e kriminelëve serbë.
Përballë kritikave të familjeve të viktimave, që e shohin kultin rreth saj si mohim të përgjegjësisë historike, drejtuesi i sallës Markthalle në Burgdorf, Bruno Aebi, e ka mbrojtur vendimin për të dhënë hapësirën me qira, shkruan Basler Zeitung. Ai ka thënë se e kupton dhimbjen që ky koncert u shkakton njerëzve nga Kosova, Bosnja e Kroacia. Sipas tij, Ceca performon në mbarë Evropën dhe repertori i saj nuk përmban mesazhe politike apo thirrje për urrejtje. Ndërkohë, vetë këngëtarja dhe organizatorët e koncertit nuk u përgjigjen pyetjeve të gazetarëve zviceranë rreth k
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.