Këshilli Bashkiak i Cërrikut rrëzon Territorialen e PS-së dhe voton kundër bashkimit me Elbasanin!
Këshilli Bashkiak i Cërrikut ka votuar kundër bashkimit me Bashkinë e Elbasanit, në kuadër të reformës së re administrativo-territoriale. Në
Këshilli Bashkiak i Cërrikut ka votuar kundër bashkimit me Bashkinë e Elbasanit, në kuadër të reformës së re administrativo-territoriale.
Në mbledhjen e zhvilluar për këtë çështje, 7 këshilltarë votuan kundër, 2 pro, ndërsa 13 abstenuan.
Vendimi i Cërrikut vjen pas kundërshtimeve të shprehura prej ditësh ndaj propozimit për riorganizimin territorial.
Kundërshtarët e bashkimit kanë argumentuar se Cërriku duhet të vijojë të funksionojë si njësi më vete, ndërsa çështja ka shkaktuar debat edhe në nivel vendor.
Edhe Këshilli Bashkiak i Belshit ka marrë një vendim të ngjashëm pak ditë më parë, duke votuar kundër bashkimit me Elbasanin dhe Cërrikun.
Kështu, dy prej bashkive që sipas propozimit do të përfshiheshin në njësinë e re territoriale kanë shprehur zyrtarisht kundërshtimin e tyre.
Në anën tjetër, Këshilli Bashkiak i Elbasanit ka votuar pro bashkimit me Cërrikun dhe Belshin.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
- Desk qendror i lajmeve 24/7
- Rishikim editorial kolektiv
- Verifikim me të paktën dy burime
Diskutimi
Komentet
Lë një koment
Komentet miratohen nga redaksia para se të shfaqen.