Këngëtari britanik Alex Warren pëson një rënie të sikletshme gjatë koncertit: Më thanë të thyeja këmbën para performancës

Gjatë një shfaqjeje në Melburn, këngëtari britanik Alex Warren pati një moment të sikletshëm kur u rrëzua në sy të publikut. Ngjarja ndodhi teksa artisti po përpiqej të ulej nga tribuna në arenën Rod Laver, mbrëmjen e së premtes.

Warren ishte në skenë si pjesë e turit të tij global "Finding Family on the Road". I veshur me një këmishë blu dhe pantallona ngjyrë kremi, ai vendosi të bënte një lëvizje të guximshme dhe u hodh mbi disa pajisje kamerash që ndodheshin në korridorin anësor.

Megjithatë, edhe pse u ul fillimisht mbi pajisje me të dy këmbët, pak çaste më vonë ekuilibri i tij u humb. Ai përfundoi në një rënie të ngathët, që u kap menjëherë nga kamerat. Videoja u bë virale në internet pasi vetë këngëtari e publikoi atë në llogarinë e tij në Instagram.

Në mbishkrimin e videos, Warren shkroi me humor: “Më thanë të thyeja këmbën para shfaqjes”. Kështu ai i referohej shprehjes së njohur “break a leg”, e cila në botën e teatrit dhe performancës shërben si një urim për sukses.

Reagimet nga ndjekësit nuk munguan dhe shumë prej tyre komentuan me shaka. Mes tyre dolën fraza si: “Në rregull, mbështjellësi me flluska u shtua në listën e kërkesave për gardërobë”, “Duhet të ishe afruar te kamera dhe të kishe thënë: ‘Ju lutem blini albumin tim të ri’”, dhe “Nuk mund të parkoni këtu”.

Popullariteti i videos u vu re menjëherë. Në një kohë të shkurtër, ajo grumbulloi më shumë se 354,000 pëlqime dhe mbi 2,600 komente nga fansat. /Telegrafi/