“Ka një mision për të përmbushur”- Pse s’e jep dorëheqjen kryeministri? Zv/ministri Qefalia: Ka premtuar anëtarësimin e Shqipërisë në BE!

Prishtinë, 18 korrik 2024 – Gjatë një interviste për mediumin Klan News, zëvendësministri i Brendshëm Xhemal Qefalia diskutoi temën e protestave dhe rolin e Policisë së Shtetit në këto raste. Gazetari Besard Jacaj e pyeti zëvendësministrin se për çfarë arsye nuk plotësohet kërkesa kryesore e protestuesve, domethënë dorëheqja e kryeministrit Edi Rama.

Qefalia sqaroi se Rama nuk ka arritur në detyrë në mënyrë të fshehtë, është zgjidhur nga votat e popullit shqiptar dhe ka një detyrë që duhet ta përmbushë para qytetarëve. “Kryeministri nuk ka ardhur në formë klandestine. Ka një mision për të përmbushur përpara qytetarëve shqiptarë. Ai premtoi se do të çojë Shqipërinë në Bashkimin Europian. Përfaqësuesit e BE-së theksojnë që Shqipëria ka bërë hapa të konsiderueshëm drejt Brukselit, dhe shpresojmë që pas fitores në zgjedhjet e vitit 2027, të kemë edhe përparim më të madh drejt anëtarësimit. Uroj që të hyjmë në Bashkimin Europian sa më shpejt,” tha Qefalia.

Ai vazhdoi duke theksuar se policia i përket shtetit shqiptar, jo vetëm kryeministrit Rama. Siç sqaroi ai, mandati i kryeministrit është provisional, ndërsa detyra e efektivëve është të mbrojnë rendin dhe sigurinë publike. “Policia është sulmuar dhe qëlluar. Efektivi është qytetar dhe në rast se nuk garanton rendin dhe sigurinë, përgjigjet në mënyrë penale. Janë 12 mijë punonjës policie, ka pasur raste ku të rinjtë kanë tejkaluar detyrën dhe do të përgjigjen për veprimet e tyre. Policia ka detyrë të përmbushë misionin e saj. Dhe njëherë, policia i përket shtetit shqiptar, nuk është e kryeministrit të Shqipërisë,” u shpreh zëvendësministri.

Në lidhje me rastin kur disa persona me shkopinj dolën për të mbrojtur selinë e Partisë Socialiste, Qefalia tha se çdo institucion meriton mbrojtje sipas ligjit, por nuk beson se selitë e partive politike duhet të mbrohen me armë. “Unë nuk mendoj se selitë e partive politike duhet të mbrohen me hun