“Jemi aktorë, e kemi bërë vetë”, Joz Marku reagon për videon e dhunës ndaj Edi Kuçit
Jozefin Marku ka reaguar për Top Channel pas qarkullimit të videos ku ai dhe disa persona të tjerë shfaqen duke dhunuar ish-konkurrentin e Big Brother VIP Kosova, Edi Kuçi.Marku pretendon se ngjarja, e cila sipas raportimeve ka ndodhur në autostradën Tiranë-Durrës, nuk ka qenë reale, por një “skenë
Videoja e përleshjes fizike midis Jozefin Markut dhe ish-konkurrentit të Big Brother VIP Kosova, Edi Kuçi, ka qarkulluar së fundmi në mediat sociale, duke shkaktuar reagime të shumta. Mirëpo, vetë Marku ka hedhur poshtë autenticitetin e ngjarjes.
Në një deklaratë dhënë për redaksinë e Top Channel Web përmes mesazheve, 29-vjeçari ka mohuar kategorikisht ndodhinë reale të dhunës. "Asgjë s'ka ndodhur, jemi aktorë, e kemi bërë vetë", theksoi ai. Marku pretendon se skena e pamjeve, të cilat sipas tyre u regjistruan në autostradën Tiranë-Durrës, ishte thjesht një inskenim.
Më tej, ai u pyet edhe mbi urdhër-arrestin që thuhet se është lëshuar nga Prokuroria Themelore në Pejë në lidhje me rastin. Marku e cilësoi këtë zhvillim si "fake" dhe të pavërtetë. "Janë fake, nuk kam arsye të jem atje", deklaroi ai, duke mohuar çdo lidhje ligjore me atë çështje.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet
Lë një koment
Komentet miratohen nga redaksia para se të shfaqen.