“Je njësh me kryeministrin”, Artan Hoxha përplaset me Eugen Beçin për pagat e magjistratëve: Po gënjen sy më sy… (VIDEO)

Gjatë emisionit të mbrëmshëm në "A2", gazetari Artan Hoxha dhe avokati Eugen Beçi, ish-drejtues i Krimeve të Rënda, u ndeshën në një debat të ashpër mbi çështjen e pagave të magjistratve. Ngacmimi i tyre shkaktoi përplasje të menjëhershme për trajtimin e kësaj çështjeje dhe rolin e mazhorancës në sistemin e drejtësisë.

Beçi akuzoi Hoxhën se po shfrytëzonte retorikë populiste në qëndrimin e tij. "Jo, jo, unë kam shqetësim tjetër. Nëse ti je atëherë ti njësh me kryeministrin, sepse po luan me populizmin", deklaroi avokati.

Përgjigja e gazetarit ishte e menjëhershme dhe e prerë. "Po jo, se po gënjen sy më sy kur thua 'je një me kryeministrin'. Unë po them të kundërtën. Populizmin mbaje për vete", u përgjigj Hoxha.

Më pas, ai sqaroi se shqetësimi i tij kryesor nuk ka të bëjë me shumën e pagave, por me integritetin e sistemit. "Problemi për mua nuk është rroga e gjyqtarit të apelit. Unë po flas për sistemin e drejtësisë, që mazhoranca nuk mund ta marrë nëpër këmbë duke i kujtuar pagën", shpjegoi gazetari.

Nga ana tjetër, Beçi u fokusua tek ndërhyrja politike. Ai theksoi se nuk i intereson nëse një gjyqtar merr 2.1 apo 2.5 milionë lekë. Sipas tij, shqetësimi real është ndikimi në drejtësi. "Nuk më intereson mua merr 2 milionë e 100 mijë apo 2 milionë e 500 mijë. Mua më intereson se si futet mazhoranca te paratë e mia dhe nuk më jep drejtësi", u shpreh avokati.