Jasir Asani nuk ndalet në Iran, sulmuesi shqiptar gjen sërish rrugën e rrjetës dhe i afrohet kreut të golashënuesve

Jasir Asani nuk ndalet në Iran. Sulmuesi shqiptar gjeti sërish rrugën e rrjetës me fanellën e Esteghlalit dhe shënoi golin e katërt në nëntë ndeshje të këtij sezoni.

Realizimi i radhës erdhi në transfertë, në përballjen me Chadormaloun. Në minutën e 29-të Asani përfitoi nga një top i ardhur nga krahu i majtë dhe e dërgoi në rrjetë me të majtën. Kështu, Esteghlali kaloi përkohësisht në avantazh, 1-0.

Goli konfirmon formën e mirë të futbollistit shqiptar. Ai po kontribuon me realizime si në kampionatin iranian, ashtu edhe në ndeshjet e Ligës së Kampioneve të Azisë.

Katër gola pas nëntë javësh e kanë afruar Asanin me kreun e renditjes së golashënuesve. Aktualisht ai është vetëm një gol larg futbollistit që kryeson listën e realizatorëve në kampionatin iranian.