Ja notat e lojtarëve të Shqipërisë pas humbjes, kush dështoi dhe kush shkëlqeu ndaj Finlandës?

Shqipëria u mposht 2-1 nga Finlanda në Helsinki. Sfida ishte e vlefshme për ndeshjen e tretë të grupit në Ligën e Kombeve. Kuqezinjtë u ndëshkuan në transfertë.

Gabimet e portierëve lanë gjurmë në këtë përballje. Ata rezultuan më të dobëtit në fushë për Shqipërinë. Këtë e konfirmojnë edhe vlerësimet e platformës "Sofascore", të cilat bazohen te paraqitja statistikore e futbollistëve.

Etrit Berisha u ndëshkua me karton të kuq. Ai u vlerësua me notën 3. Paraqitje e zbehtë edhe për Sherrin, i notuar me 6,2. Ai pësoi dy gola nga goditje dënimi direkte.

Megjithatë nuk munguan notat pozitive. Manaj kryesoi listën me 7,7. Pas tij renditet Gjimshiti me 7,6. Të dy u dalluan sipas statistikave në radhët e kuqezinjve.