“Italia po dërgon forca policore në Shqipëri”, reagon MIA: Informacioni nuk është i vërtetë, qytetarët të mos bien pre e këtyre lajmeve!

Agjencia për Media dhe Informim ka reaguar ndaj një informacioni të rremë që po qarkullon në rrjetet sociale, sipas të cilit Italia po dërgon forca policie në Shqipëri.

Në njoftimin e saj, Agjencia thekson se ky pretendim është i pavërtetë.

“Asnjë forcë policore italiane nuk është dislokuar apo dërguar në territorin tonë sipas këtyre pretendimeve,” thuhet në reagimin e Agjencisë për Media dhe Informim.

Institucioni u bën thirrje qytetarëve të mos bien pre e informacioneve të pabaza dhe të verifikojnë burimet para se t’i shpërndajnë ato.