“Ismajli ka qenë gjithmonë luftarak”, trajneri flet me superlativa për shqiptarin: Lojtar me personalitet

Trajneri i Torinos, Ignacio Abate, e ka mbuluar me lëvdata mbrojtësin shqiptar Ardian Ismajli. Në konferencën për shtyp në prag të ndeshjes me Moncën, ai e përshkroi atë si futbollist luftarak dhe me personalitet.

“Lojtarët ofrojnë ekuilibrin. Të gjesh ekuilibrin do të thotë të gjesh përshtatjen e duhur. Unë e di se çfarë mund të ofrojnë lojtarët dhe punoj më shumë me dobësitë e tyre sesa me pikat e forta. Ismajli ishte gjithmonë luftarak, por luante shumë mirë me topin dhe tregonte personalitet në lëvizjet e tij.”

Më pas trajneri u ndal te puna me futbollistët e pjekur. Sipas tij, kur stërvit lojtarë mbi 30 vjeç, të cilët kanë vetëbesim, nuk është e lehtë t’u hysh thellë në mendje apo t’i ndryshosh.

“Jam i kënaqur me Ismajlin. Ai është stërvitur gjithmonë me profesionalizëm dhe jam i sigurt se do të bëjë një ndeshje të mirë edhe ndaj Moncës”, është shprehur Abate.