ISHP: Shqipëria zyrtarisht nën grip! Qarkullon gripi AH1N1 dhe është agresiv, piku arrin në janar! Ja këshillat

ISHP njofton se në vend aktivohen disa infeksione të rrugëve të sipërme të frymëmarrjes, ndërsa laboratorët kanë izoluar virusin e tipit A. Në raportin e javës së kaluar regjistrohen rreth 12 mijë raste infekcioni respirator. Epidemiologja Marjeta Dervishi vlerëson situatën ende të qetë, por paralajmëron se piku do të vijë gjatë janarit.

“Kemi identifikuar rastet e para me grip dhe vazhdojmë me edhe ato me SARS-CoV-2. Parashikojmë rritje të numrit të rasteve me grip në javët e ardhshme, me pik maksimum fund të muajit janar dhe fillim të shkurtit”, deklaron Dervishi.

Virusi AH1N1 që dominon tani jep simptoma të ngjashme me gripin sezonal, me fillim të papritur. “Hapet me temperaturë të lartë e papritur, dhimbje muskulore, dhimbje koke, dhimbje fyti dhe kollë”, shpjegon epidemiologja për RTSH.

Autoritetet e shëndetit publik i therrasin popullatën të vaksinohet, veçanërisht grupët në risk. Në rastet e rënda, infeksioni agrava sëmundjet kronike dhe mund të shkaktojë fatalitete. Sipas të dhënave të ISHP-së, 51% e dozave të shpërndara janë përdorur.