ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Dhoma e Avokatisë së Shtetit të Kalifornisë ka nisur një hetim ndaj ish-zëdhënëses për media të Shtëpisë së Bardhë, Katie

Kalifornia: Hetohet ish-zëdhënësja e Shtëpisë së Bardhë për ushtrim të paligjshëm të avokatisë
Dhoma e Avokatisë e Kalifornisë ka hapur një hetim kundër ish-zëdhënëses për media të Shtëpisë së Bardhë, Katie Zacharia. Shkak janë pretendimet se ajo është prezantuar si avokate në vazhdimësi, ndonëse nuk e ka kaluar kurrë provimin e avokatisë.
Ankesa që ndezi procedurën u dorëzua muajin e kaluar nga organizata jofitimprurëse “Campaign for Accountability”. Sipas mediave amerikane, organizata pohon se Zacharia ka përdorur në mënyrë të paligjshme titullin dhe kredencialet e profesionit gjatë daljeve të saj publike.
Në dokument thuhet se ajo u diplomua në drejtësi në Universitetin “Pepperdine” në vitin 2011, por nuk e ka kaluar provimin e avokatisë as në Kaliforni, as në ndonjë shtet tjetër të SHBA-së.
Pretendimet përfshijnë paraqitje në emisione televizive dhe podkaste, mes tyre CNN dhe Fox News. Organizata thekson gjithashtu se Zacharia është prezantuar si këshilltare e jashtme e Bankës Botërore dhe e Korporatës Financiare Ndërkombëtare.
“Të prezantohesh si avokat pa licencë aktive është shkelje e ligjit”, deklaroi drejtoresha ekzekutive e organizatës, Michelle Kuppersmith.
Zëdhënësi i Zacharias i ka mohuar akuzat. Sipas tij, ato janë të pabaza dhe të nxitura nga motive politike. Ai u shpreh i bindur se hetimi do të mbyllet pa konstatuar shkelje.
Legjislacioni i Kalifornisë e parashikon ushtrimin e ligjit ose paraqitjen e rreme si person i autorizuar për këtë profesion, pa licencë aktive, si kundërvajtje penale. Dënimi mund të shkojë deri në një vit burg dhe gjobë deri në 1.000 dollarë.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.