Influencerja vizitoi qytetin më të lirë në botë, një pjatë me ushqim i kushtoi vetëm 75 centë

Hanoi, kryeqyteti i Vietnamit, po tërheq vëmendjen e turistëve jo vetëm për kulturën, rrugët plot jetë dhe ushqimin tradicional, por edhe për çmimet që në disa raste duken të pabesueshme për turistët amerikanë.

Një krijuese përmbajtjeje udhëtoi drejt Vietnamit për të realizuar një sfidë të veçantë: miqtë e saj i caktuan buxhete të ndryshme për ushqim, transport, argëtim, shopping dhe akomodim, ndërsa ajo duhej ta përballonte udhëtimin vetëm me këto shuma.

Një nga surprizat më të mëdha ishte ushqimi. Në një restorant lokal, ajo bleu dy porcione ‘spring rolls’ për vetëm 75 cent secila, ndërsa një pjatë me ushqim tradicional vietnamez i kushtoi vetëm disa dollarë.

Ajo vuri re edhe një tjetër ndryshim të madh. Në një zonë shumë turistike pranë hekurudhës, një porcion spring rolls i kishte kushtuar rreth 4.50 dollarë, ndërsa në një restorant më lokal e njëjta lloj pjate kushtonte vetëm rreth 75 cent.

Por surprizat nuk përfunduan këtu.

Me një buxhet prej 150 dollarësh për hotelin, ajo arriti të qëndronte në një akomodim luksoz me pishinë të brendshme, disa ambiente të mëdha, dhoma të dekoruara dhe hapësira që e impresionuan.

Edhe argëtimi rezultoi shumë më i lirë se sa priste. Një manikyr i kushtoi rreth 10 dollarë, ndërsa ajo kaloi edhe rreth dy orë në një spa, duke përfshirë trajtime për kujdesin personal.

Për transport, ajo kishte një buxhet prej rreth 1 milion dong, afërsisht 38 dollarë. Fillimisht provoi një motor-taksi përmes Grab, por hipi gabimisht në një motor që nuk ishte ai i rezervuar përmes aplikacionit. Pas këtij incidenti, ajo kontrolloi disa herë targën e motorit për t’u siguruar se po hipte te shoferi i duhur.

Në fund të udhëtimit, ajo pranoi se Vietnami ishte një nga destinacionet e saj të preferuara dhe se paratë e saj kishin një fuqi blerëse shumë më të madhe se në SHBA.

Megjithatë, eksperienca tregoi edhe një detaj interesant: çmimet mund të ndryshojnë ndjeshëm në varësi të zonës. Restorantet shumë turistike mund të jenë disa herë më të shtrenjta se ato lokale.

Për një turist që kërkon të kursejë, Hanoi duket se ofron një kombinim interesant mes ushqimit të lirë, transportit ekonomik dhe akomodimeve që mund të ofrojnë shumë më tepër për paratë e shpenzuara.