“I vura duart në fyt Kakasë”, ish-lojtari i Milanit flak modestinë: Respekt për Robinjon, Kakanë dhe Balotin, por isha më i miri

Adel Tarabti, ish-futbollisti i Milanit, ka rrëfyer episodin e pazakontë të konfliktit me Kakán gjatë kohës së tij te klubi italian. Në një intervistë për "La Gazzetta dello Sport", 37-vjeçari tregoi se gjatë një ushtrimi stërvitor, i vuri duart në fyt yllit brazilian pas një mosmarrëveshjeje për një pasim.

"Ishte një rast i izoluar. Ai nuk po ndalonte së më bërtituri dhe unë e humba kontrollin për një çast. Më pas i kërkuam ndjesë njëri-tjetrit", shpjegoi Tarabti.

Futbollisti foli gjithashtu me admirim për periudhën e tij në San Siro, ku theksoi se ndihej ndër lojtarët më të mirë të skuadrës në atë periudhë. "Kisha realizuar katër gola dhe dy asiste. Me gjithë respektin për Robinjon, Kakanë dhe Balotelin, që ishinampionë, unë mendoja se isha në nivelin e tyre", u shpreh ai.

Një nga momentet më të hidhura mbetet debutimi në Ligën e Kampionëve kundër Atletico Madridit. "Bëra një paraqitje shumë të mirë, por trajneri Inzagi nuk ma besoi vendin. Ai nuk donte të më mbante në ekip. Kjo më çoi në një depresion të thellë. Së bashku me transferimin e dështuar te PSG-ja, janë dy keqardhjetë më të mëdha të karrierës time", përfundoi Tarabti.