I riu kërcënohet me mesazh dhe përndiqet në rrjetin social, Policia ia kalon çështjen Prokurorisë së Tiranës! Nisin hetimet për zbulimin e autorit

Policia e Shtetit ka referuar në Prokurorinë e Tiranës materialet procedurale, pas kallëzimit të një 34-vjeçari. Shtetasi O. S., banues në Tiranë, ka njoftuar se në llogarinë e tij në një rrjet social kishte mbërritur një mesazh me përmbajtje kërcënuese.

Me sa bëhet me dije, mesazhi dyshohet se është dërguar nga një llogari e falsifikuar. Strukturat policore po punojnë për identifikimin e autorit dhe dokumentimin e plotë të rrethanave të ngjarjes.

Materialet janë referuar për veprat penale “Falsifikimi kompjuterik”, “Përndjekja” dhe “Kanosja”, të parashikuara nga nenet 186/a, 121/a dhe 84 të Kodit Penal.

Hetimet po vazhdojnë nën drejtimin e Prokurorisë, me qëllim sqarimin e plotë të rasteve dhe identifikimin e personit përgjegjës.

“Policia e Shtetit deklaron se është e angazhuar për garantimin e sigurisë së qytetarëve dhe reagimin ndaj çdo forme kërcënimi apo intimidimi”, thuhet në njoftim.

Policia theksoi gjithashtu angazhimin maksimal për të garantuar rendin dhe sigurinë, jetën dhe pronën e qytetarëve, me theks të veçantë për sigurinë e gazetarëve gjatë ushtrimit të detyrës. Institucioni u zotua të reagojë ndaj çdo forme të kërcënimit, intimidimit apo presionit që cenon sigurinë dhe lirinë e tyre profesionale.