I dërgonte nxënëses 13-vjeçare mesazhe erotike, del para Gjykatës mësuesi 60-vjeçar!

Mësuesi 60-vjeçar në gjykatë për mesazhe erotike ndaj nxënëses 13-vjeçare

Mësuesi 60-vjeçar Madrid Sula u paraqit sot para Gjykatës së Shkallës së Parë të Rrethit Gjyqësor Fier.

Ai dyshohet se i ka dërguar mesazhe me përmbajtje erotike një nxënëseje 13-vjeçare. Komunikimi konsiderohet i papërshtatshëm për shkak të moshës së mitur të vajzës.

Vajza, në gjendje të rënduar psikologjike, ia ka rrëfyer ngjarjen fillimisht nënës dhe më pas të atit. Prindërit kanë bërë denoncim pranë Policisë së Lushnjës.

Pas administrimit të mesazheve dhe verifikimeve të kryera, policia arrestoi mësuesin. Materialet e mbledhura i janë përcjellë procedurave të mëtejshme ligjore.

Sot 60-vjeçari del para trupit gjykues. Seanca do të zhvillohet me gjyqtar Noel Veizi dhe prokuror Skerdi Sinanaj.