“Hamendësime dhe interpretime”- Akuzat e kryeministrit malazez, reagon ministri Hoxha: Shqipëria s’është dhe s’do të jetë pjesë e skenarëve destabilizuese!

Reagimi i diplomacisë shqiptare vjen pas deklaratave të kryeministrit të Malit të Zi, Milojko Spajiç, të cilat aluduan në përfshirjen e zyrtarëve nga “të paktën dy vende të rajonit” në aktivitete hibride të koordinuara kundër Podgoricës.

Ministri për Evropën dhe Punët e Jashtme, Ferit Hoxha, ka marrë sot (28 gusht) pozicionin zyrtar të Tiranës në lidhje me këtë çështje. Përmes një deklarate, shefi i diplomacisë shqiptare hodhi poshtë çdo dyshim mbi rolin e Shqipërisë.

“Nuk ekziston asnjë akuzë zyrtare ndaj Shqipërisë”, theksoi Hoxha. Ai e cilësoi të pabazuar çdo aluzion për përfshirjen e vendit tone në skenare që mund të cenonin stabilitetin e Malit të Zi apo të çdo shteti tjetër fqinj.

Ministri shqiptar u ndal veçanërisht te raportimet mediatike që pasuan deklaratën e Spajiç. Sipas tij, ato duhen lexuar me kujdes, por edhe me rezervë, pasi shpesh herë mbajnë interpretime kontradiktore. “Ne i analizojmë me vëmendje, por i marrim me rezervën e duhur”, u shpreh ai.

Në deklaratën e plotë, Hoxha ripohoi angazhimin e Shqipërisë për stabilitetin rajonal. Ai nënvizoi se vendi ynë investon përditë në bashkëpunimin dhe zhvillimin e Ballkanit, si dhe në forcimin e partneritetit euroatlantik. “Shqipëria bën pikërisht të kundërtën e çdo skenari destabilizues”, tha ai.

Diplomati numër një i Shqipërisë foli edhe për kanale të hapura komunikimi me palët në Podgoricë. Ai ka konfirmuar kontakte të përhershme në të gjitha nivelet me zëvendëskryeministrin dhe ministrin e Punëve të Jashtme të Malit të Zi,闪ovnik闪ovi闪, si dhe me zëvendëskryeministrin Nik Gjeloshaj.

“Hamendësimet dhe debatet e brendshme politike të një vendi fqinj nuk duhet të prodhojnë artificialisht probleme midis nesh”, u shpreh Hoxha. Ai bëri thirrje që politika e jashtme të mbrohet nga instrumentalizimi për qëllime të politikës së brendshme.

“Politika e jashtme kërkon gjithnjë qetësi, maturi dhe përgjegjësi”, përfundoi ministri Hoxha në reagimin zyrtar të qeverisë shqiptare.