“Gjithfarë duarsh të pista…”, Rama flet pas debateve në PS dhe votimit të ‘Territorjales’: Sot kemi një tjetër shtysë modernizuese

Me një reagim në rrjetet sociale, kryeministri Edi Rama ka komentuar miratimin e ligjit për hartën e re territoriale. Votimi në Kuvend u mbyll pas mesnate. Sipas tij, vendimi i jep vendit një tjetër shtysë modernizuese.

Kreu i qeverisë nuk e ka anashkaluar as klimën politike që shoqëroi procesin. Ai u ndal te debatet brenda mazhorancës dhe te zërat kritikë jashtë saj. Po ashtu, përcolli një mesazh të drejtpërdrejtë për kundërshtarët politikë.

Në postimin e tij Rama shkruan:

“Përtej të gjithë debateve të brendshme, spekulimeve të jashtme dhe peripecive të një kohe të ngatërruar nga gjithfarë duarsh të pista, ca të dukshme e ca të padukshme po jo të pazbuluara tanimë, votimi i mbrëmshëm në Kuvend i dha Shqipërisë një tjetër shtysë modernizuese

Dhe nga ana tjetër, u tregoi edhe njëherë të gjithë atyre që e kishin të nevojshme, se nuk duhet të bëjnë asnjëherë “hesape pa hanxhinë” me Partinë Socialiste”.