Gabriel Jesus prezantohet te Barcelona dhe flet si katalanas: Mezi pres të luaj dhe të ndihmoj ekipin! Të gjithë i dinë cilësitë e mia

**Gabriel Jesus zyrtarizohet te Barcelona: "Këtu për të dhënë më të mirën, cilësitë i di kushdo"**

Barcelona ka vendosur të forcojë repartin e sulmit duke iu mbështetur përvojës dhe talentit të Gabriel Jesus.

Klubi katalanas ka arritur marrëveshjen me Arsenalin për transferimin e brazilianit, në një shumë që llogaritet rreth 10 milionë euro, me të cilave i shtohen edhe disa bonuse.

Lojtari më i ri i Barcelonës u shpreh:

"Kam ndërmend ta flas spanjisht, pasi kam mësuar diçka nga Guardiola dhe nga bashkëlojtarët e mëparshëm. Gjithçka u mbyll shumë shpejt. Edhe pse dy vitet e fundit nuk kanë qenë të lehta, të gjithë e dinë se çfarë vlerash kam. Jam i lumtur që gjendem këtu dhe falënderoj Decon e presidentin për besimin që më dhanë".

Më pas ai ndau mendimet për klubin e ri:

"Kam parë ndeshjen ndaj Rayos dhe ajo ishte hera ime e parë në Camp Nou. Pres me padurim të luaj, të ndihmoj dhe të rri krah shokëve të rinj, të cilët kanë shumë cilësi".

Ai foli edhe për periudhën e vështirë që kaloi:

"Pata një dëmtim në gju që më mbajti larg fushave për dy vjet. Një vit të tërë nuk luajta fare. Tani ajo kapitull ka përfunduar dhe ndihem në gjendje të mirë. Që kur u ktheva, kam dhënë paraqitje të mira te Arsenali".

Për pozicionin ku mund të aktivizohet:

"Ende nuk kam biseduar me trajnerin, por gjatë karrierës kam luajtur në disa role. Jam këtu për të kontribuar".

Ai nuk u shmang as pyetjes për Alvarezin:

"Nuk më shqetëson fakti që mund të shihem si alternativë e dytë. Tani që më është dhënë rasti të luaj për Barçën, do të jap gjithçka nga vetja dhe do të punoj me shumë seriozitet".

Në përfundim, ai u ndal te miqtë e rinj në ekip:

"Kur u mbyll marrëveshja, shkëmbeva disa fjalë me Raphinhan. Më pas fola me Cancelon, i cili është mik i ngushtë, si dhe me Eric Garcian e Rodrin. Ata më kanë thënë vetëm fjalë të mira. Te Barcelona kanë luajtur më parë edhe disa emra të mëdhenj brazilianë".