FOTO/ Zjarri në Vranisht shkrumbon banesën dhe kosheret e bletëve! Digjen edhe disa hektarë me ullinj e pemë

Të paktën pesë qarqe të vendit janë prekur nga zjarret që kanë shpërtherë gjatë ditës së sotme, duke shkaktuar dëme të konsiderueshme materiale. Një prej tyre ka qenë veçanërisht intensiv në fshatin Vranisht të bashkisë Himarë.

Flakët e mëdha kanë përfshirë jo vetëm sipërfaqe të mbjella, por edhe një banesë dhe rreth 30 koshere me bletë. Për banorët e zonës, dëmi më i madh është pikërisht humbja e koshereve, që përfaqëson një burim jetese. Zjarri ka djegur gjithashtu disa hektarë me ullishte dhe pemë të tjera frutore.

Në vendngjarje janë angazhuar forca të zjarrfikëses dhe shërbimet e Policisë. Ekipet po punojnë për shuarjen e flakëve dhe po bëjnë vlerësimin e plotë të dëmeve të shkaktuara. Situata paraqitet ende shqetësuese për autoritetet.