Fillimisht dasmë me familjarët, pastaj festë me miqtë: Çfarë mendoni për këtë ide që po ndryshon traditën?

Dasma e ndarë më dy: traditë me familjen, festë e lirë me miqtë

Dasmat kanë qenë gjithmonë bashkim i dashurisë, familjes, traditës dhe festës. Por çiftet e reja po kërkojnë më shumë liri. Ata duan ta organizojnë ditën e martesës sipas dëshirës së tyre, jo sipas shabllonit klasik.

Në vend të një ceremonie të vetme, ku duhet pajtuar breza të ndryshëm, shije muzikore dhe pritshmëri të shumta, po lindi një alternativë. Disa çifte po zgjedhin dy festime të ndara. Njëra, më tradicionale, dedikuar familjarëve. Tjetra, më e lirë, vetëm për miqtë. Ideja premton më shumë argëtim. Por jo të gjithë mund ta presin mirë.

Kur shijet muzikore nuk përputhen

Një rast i bërë publik së fundmi e ilustroi qartë dilemën. Një nuse tregoi se shoqet e saj ishin befasuar. Ato nuk ishin ftuar as në ceremoni, as në ahengun pas saj.

Arsyeja, sipas saj, ishte e thjeshtë. Për miqtë kishte parashikuar një festë tjetër. Muzika që pëlqen shoqëria, tha ajo, nuk do të shijohej nga familjarët. Shembulli i saj nuk është i vetmuar. Edhe çifte të tjera po e shqyrtojnë seriozisht këtë ndarje mes festës familjare dhe asaj me miqtë.

Dy atmosferat që sjell kjo formulë

Përparësitë nuk mungojnë.

Takimi me familjen mund të marrë formën e një dreke apo darke më solemne. Aty respektohen zakonet dhe krijohet hapësirë për të qëndruar më gjatë me të afërmit.

Festa me miqtë, nga ana tjetër, mund të jetë krejt ndryshe. Më e çlirët, me muzikën e preferuar të çiftit, me vallëzim deri në mëngjes dhe pa formalitetet e dasmës tradicionale.

Në këtë mënyrë çifti shmang një shqetësim të madh. Nuk pyet më nëse muzika do të jetë shumë e lartë për të moshuarit. As nëse të rinjtë do të mërziten nga repertori tradicional.

Rreziku: dikush mund të ndihet i lënë jashtë

Pavarësisht anës praktike, ndarja mbart edhe keqkuptime.

Disa miq e kanë imagjinuar prej kohësh festën e plotë, nga ceremonia te kërcimi i fundit krah çiftit. Ftesa vetëm për njërën pjesë mund t'i zhgënjejë. Pritshmëritë janë të larta.

Ndaj mënyra e komunikimit bëhet thelbësore.

Nëse çifti e shpjegon hapur vendimin, se dëshiron dy atmosfera ku secili të ndihet rehat, të ftuarit e kuptojnë më lehtë. Por edhe nusja e dhëndri nuk duhet të ndihen të detyruar. Nuk kanë pse organizojnë një dasmë gjigante vetëm për të shmangur pakënaqësi.

Në fund, është dita e tyre.

Madje, varësisht nga numri i të ftuarve dhe mënyra e organizimit, dy festa më të vogla mund të rezultojnë më të menaxhueshme. Edhe financiarisht, edhe organizativisht, edhe emocionalisht.

Po për ju, cili variant është më i mirë? Një dasmë e vetme ku festojnë të gjithë bashkë, apo dy festa të ndara, një për familjarët dhe një për miqtë? /ABC24.AL/