EMRI/ Po trafikonte 6 klandestinë drejt vendeve të BE me 700 euro personi, arrestohet 23-vjeçari në Korçë! Ja çfarë i gjeti Policia

Policia e Korçës ka arrestuar një 23-vjeçar në Devoll pasi dyshohet se po transportonte gjashtë emigrantë të paligjshëm drejt kryeqytetit. Mbrëmjen e djeshme, uniformat blu ndaluan automjetin e drejtuar nga shtetasi Klajdi Muça nga Durrësi. Bëhet fjalë për një mjet tip “Benz”.

Brenda mjetit, gjatë kontrollit të rutinës, u konstatuan gjashtë persona, të gjithë shtetas sudanezë. Sipas hetimeve, të miturit ishin pjesë e një tentative për kalim të paligjshëm të kufirit. Objektivi i trafikantit dyshohet se ishte transportimi i tyre nga Korça drejt Tiranës.

Hetuesit bëjnë me dije se 23-vjeçari priste një fitim prej 600 deri në 700 euro për çdo person që do të sillte në destinacion. Operacioni u krye nga Seksioni i Trafiqeve dhe ai i Krimit Ekonomik e Financiar në DVP Korçë. Në kuadër të këtij aksioni, u sekuestrua si provë materiale automjeti, një sasi parash dhe disa telefona celularë.

Punët e mëtejshme hetimore po vijojnë. Autoritetet po punojnë për dokumentimin e plotë të kësaj çështjeje dhe për zbardhjen e roleve të tjera të mundshme të përfshirë në këtë aktivitet të paligjshëm.