EMRAT+FOTO/ Kthyen ish-qendrën tregtare në ‘fermë hashashi”, arrestohen 2 shqiptarët në Angli! Vlera e drogës 1.3 milionë paund, ja si u zbuluan

Një grup kriminal shqiptar e ka shndërruar një godinë dy-katëshe, që më herët ishte dyqan i rrjetit "BHS", në një fabrikë të fshehtë kanabisi. Ngjarja ka ndodhur në Slough të Anglisë. Operacioni policor zbuloi mbi 1700 bimë narkotike, me vlerë të përllogaritur në 1.28 milionë paund.

Rrjeti investigativ "ESN Report" bëri me dije se vlera e drogës së sekuestruar arrinte shifrën e 1,288,020 paundëve në tregun me pakicë. Në tregun e shumicës, e njëjta sasi do të vlente rreth 525,000 paund.

Ndërhyrja e policisë u bë më 28 janar 2026. Dyshimet lindën pasi objekti i braktisur prej vitesh po përdorej sërish. Hetuesit gjetën aty një impiant të madh kultivimi.

Brenda fabrikës u arrestuan menjëherë dy shtetasit shqiptarë. Ajet Begu, 40 vjeç, nga Londra veriore (Palmers Green), dhe Aryan Turya, 27 vjeç, i cili nuk kishte vendbanim të përhershëm. U gjetën mbi 1,700 bimë kanabisi në faza të ndryshme rritjeje. Parashikohej të prodhonin rreth 150 kilogramë drogë të thatë.

Të dyshuarit pranuan fajësinë për prodhim të një droge të kontrolluar të Kategorisë B. Dënimi u shqëgua më 21 gusht 2026 nga Gjykata e Kurorës në Reading. Të dy u dënuan me nga një vit e dy muaj burgim.

Hetimet vijojnë ende për të sqaruar rrjetet më të gjera. Autoritetet po verifikojnë, sipas të dhënave nga "ESN Report", nëse kjo fabrikë kishte lidhje me grupe kriminale të organizuara më gjerësisht.

Kjo godinë kishte mbetur bosh që prej vitit 2016, kur rrjeti i dyqaneve "BHS" mbylli aktivitetin. Zbulimi rikthen në vëmendjen e publikut problemin e përdorimit të ambienteve tregtare të lëna pas dore nga grupe kriminale. Zonat urbane dhe rrugët kryesore fshihen pas fasadave të përditshmërisë. Kthehen në vende ideale për aktivitet të paligjshëm.