ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Një vlerësim i jashtëzakonshëm për futbollin shqiptar dhe Elseid Hysajn. Mbrojtësi i Kombëtares shqiptare është përfshirë në formacionin më të mirë të fazës së grupeve të Ligës së Kombeve për vitin 2026, sipas platformës prestigjioze të statistikave, “WhoScored”. Hysaj ka arritur të sigurojë një ven

Një vlerësim i jashtëzakonshëm për futbollin shqiptar dhe Elseid Hysajn. Mbrojtësi i Kombëtares shqiptare është përfshirë në formacionin më të mirë të fazës së grupeve të Ligës së Kombeve për vitin 2026, sipas platformës prestigjioze të statistikave, “WhoScored”.
Hysaj ka arritur të sigurojë një vend në linjën e djathtë të mbrojtjes, duke u vlerësuar me notën 7.65. Një arritje historike për futbollistin shqiptar, pasi për herë të parë një lojtar i Shqipërisë përfshihet në 11-shen më të mirë të një kompeticioni të tillë, duke u bazuar në paraqitjet përgjatë gjithë fazës së grupeve dhe jo vetëm në një ndeshje të veçantë.
Ajo që e bën edhe më të veçantë këtë vlerësim është niveli i emrave që shoqërojnë mbrojtësin kuqezi. Në këtë formacion gjenden yje të futbollit botëror si Lamine Yamal, Harry Kane, Jude Bellingham dhe Michael Olise.
Një tjetër konfirmim se futbollistët shqiptarë mund të konkurrojnë në nivelet më të larta dhe një moment krenarie për Kombëtaren. Hysaj shkruan kështu një tjetër kapitull të rëndësishëm në karrierën e tij ndërkombëtare. /ABC24.AL/
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.