ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Elbasani u rikthye te fitorja, pasi mposhti Dinamon 1-0 në duelin e javës së 12-të në Abissnet Superiore. Një sukses

Elbasani u rikthye te fitorja, pasi mposhti Dinamon 1-0 në duelin e javës së 12-të në Abissnet Superiore.
Një sukses i rëndësishëm për verdheblutë dhe për trajnerin Glen Daja, që mund skuadrën ku drejton babai i tij, Ilir Daja.
Sfida në “Elbasan Arena”, nisi me Dinamon më kërkuese që iu afrua golit disa herë në pjesën e parë, por Aleksovski mbajti portën e paprekur me disa pritje vendimtare.
Fraksioni i dytë foli më shumë për vendasit, të cilëve iu anuluan dy gola para avantazhit. Mazari e dërgoi dy herë në rrjetë, por u anuluan, fillimisht për pozicion jashtë loje dhe më pas për prekje me dorë.
Goli i vetëm dhe i fitores për Elbasanin u shënua në minutën e 84-t. Epito përfitoi nga një top i mbëtur në zonë dhe e ndali atë në fundin e rrjetës.
Me këtë fitore, Elbasani ngjitet në vendin e pestë me 17 pikë, po aq sa edhe Dinamo që mban vendin e katërt.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.