E zuri pema nën vete teksa priste dru në pyll, plagoset rëndë një person në Shkodër

Një burrë u plagos rëndë pasi u godit nga një pemë në momentin që po pronte dru për zjarrin në pyllin e Shoshit, pranë Shkodrës. Ngjarja e rëndë ndodhi më 28 gusht.

Policia e Shkodrës bëri me dije se viktima identifikohet me iniciale T. Z. Ai po kryente aktivitetin e prerjes së drunjëve kur u godit aksidentalisht nga pema që po priste.

Si pasojë e goditjes së fortë, burri pësoi plagë të rënda në trup. Ndërhyrja e menjëhershme e ekipeve mjekësore ishte e nevojshme për trajtimin e tij.

Në vendin e ngjarjes shkuan menjëherë forcat e rendit si dhe grupi hetimor. Hetuesit kanë nisur veprimet e tyre zyrtare për të hedhur dritë mbi dinamikën e plotë të aksidentit. ende nuk dihen shkaqet e saktë se si pema ra mbi punëtorin.