E rëndë në Greqi/ Ra nga skela teksa po punonte, humb jetën 49-vjeçari shqiptar në Selanik

Aksident tragjik në Greqi, humb jetën 49-vjeçari shqiptar pas rënies nga skela

Një ngjarje e rëndë në vendin e punës i ka kushtuar jetën një 49-vjeçari me origjinë shqiptare në Greqi. Viktima u rrëzua nga skela gjatë punimeve në një kantier ndërtimi.

Aksidenti ndodhi në zonën e Kato Kamilës, në Serres. Sipas të dhënave paraprake, rënia ndodhi rreth orës 11:30 të paradites, në rrethana që mbeten ende të paqarta.

I lënduar rëndë, 49-vjeçari u transportua me urgjencë në Spitalin e Përgjithshëm të Serresit. Pavarësisht përpjekjeve të mjekëve, ai nuk mundi të mbijetojë dhe ndërroi jetë për shkak të plagëve të marra.

Autoritetet kompetente kanë marrë në dorë çështjen. Hetimet vijojnë për të zbardhur plotësisht shkaqet dhe dinamikën e saktë të këtij aksidenti fatal në punë.