E pazakontë/ Ronaldo iku nga Portugalia pas krisjes me trajnerin, ndërhyn edhe Kryeministri i Portugalisë

Largimi i papritur i Cristiano Ronaldos nga grumbullimi i Portugalisë ka krijuar një situatë jo të zakonshme. Çështja ka marrë përmasa të tilla, sa në të është përfshirë edhe niveli më i lartë politik. Në zhvillimet më të fundit është përmendur emri i kryeministrit portugez Luís Montenegro.

Mediat portugeze raportojnë se kreu i qeverisë ka marrë kontakt me presidentin e Federatës Portugeze të Futbollit, Pedro Proença. Përmes tij, ai ka kërkuar një bisedë direkte me përzgjedhësi i kombëtares, Jorge Jesus. Vetë kontakti telefonik mes kryeministrit dhe trajnerit është konfirmuar nga SIC.

Ngjarja vjen pasi Ronaldo vendosi të largohej nga kampi i kombëtares. Kjo ndodhi vetëm një ditë para ndeshjes kundër Danimarkës, e vlefshme për Ligën e Kombeve. Kapiteni u shpreh se e mori vendimin pas takimit me kreun e Federatës dhe pas konferencës së Jorge Jesus. Ai shtoi se do të flasë më vonë për arsyet e vërteta që e çuan drejt këtij hapi.

Montenegro ka shprehur edhe më parë publikisht admirimin për Ronaldon dhe përfaqësuesen. Thuhet se ai ka kërkuar sqarime nga Jorge Jesus mbi rrethanat që përfshijnë kapitenin. Tashmë gjithë vëmendja në Portugali është përqendruar te marrëdhënia mes trajnerit dhe sulmuesit. Pritet të shihet se çfarë do të dalë në dritë pas kësaj krisjeje. /ABC24.AL/