“E neveritur!”- Kryemadhi flet për videot intime nga GJKKO: Askush s’ka punë me dhomën e gjumit të tjetrit! Të ndihesh i dhunuar nga një filmim p*rno…

Monika Kryemadhi ka komentuar sot çështjen e videove intime që prej disa ditësh po qarkullojnë në rrjet dhe ku shfaqen personazhe të njohur të ekranit.

Reagimi erdhi gjatë një prononcimi për mediet. E pyetur nëse i kishte parë pamjet, ajo u përgjigj pozitivisht. Tha se ndjeu keqardhje dhe neveri.

Sipas Kryemadhit, përgjegjësia bie mbi këdo që ka realizuar regjistrimet dhe mbi ata që i kanë shpërndarë më pas. Veprimi, sipas saj, është i ulët dhe meriton ndëshkim.

Ajo theksoi se jeta private nuk duhet të kthehet në objekt gjykimi publik. Askush, shtoi Kryemadhi, nuk ka të drejtë të ndërhyjë në atë që një individ bën në dhomën e gjumit.

“Po i kam parë. Përveç ndjenjës së shëmtuar që më la për shkak të viktimave, të gjitha atyre grave apo vajzave, kushdo që janë. Personi, i cili i ka bërë, ai që i ka regjistruar por dhe ai që i ka shpërndarë, është një veprim shumë i ulët dhe që duhet të dënohet. Ajo që dua të them është se nuk ka çfarë ti duhet asnjërit se çfarë bën një njeri në dhomën e vet të gjumit apo me jetën private. E tjetra është mënyra se si ne po fillojmë të gjykojmë situatat, problematike dhe gjithë jetën shoqërore të shoqërisë sonë është e tmerrshme. Të ndihesh më i dhunuar nga një video porno që shikon se sa nga taksat e larta, nga largimi i të rejave dhe të rinjve, shpopullimi i Shqipërisë, është fatkeqësie e madhe dhe për mua fatkeqësi kombëtare. Më vjen shumë keq dhe ndjej neveri për vepruesit që e kanë bërë atë gjë”, tha Kryemadhi.