E ardhmja e Kombëtares shqiptare, Juventusi i përfshin portierin dhe sulmuesin në listën e Europës

Trajneri i Juventusit, Luçiano Spaleti, ka përfshirë në listën B të skuadrës për Europa League dy lojtarë nga akademia e tyre me prejardhje shqiptare. Bëhet fjalë për portierin Raffaele Huli dhe sulmuesin Arman Durmishi.

Të dy futbollistët janë 18 vjeç dhe aktualisht përfaqësojnë Shqipërinë në nivelin e moshës U-19. Përfshirja e tyre në planifikimin evropian të bardhezinjve konsiderohet një hap i rëndësishëm në karrierën e tyre.

Kjo lëvizje vjen në kundërshtim me situatën e Edon Zhegrovës, i cili nuk u thirr nga klubi për këtë kompeticion. Vendimi i Spaletit nxjerr në pah besimin te talentet e reja të formuara brenda strukturës së klubit italian.

Huli dhe Durmishi pritet të stërviten tashmë me ekipin e parë. Në rast se do t'u jepet mundësia të aktivizohen edhe në ndeshjet zyrtare, kjo do të përbënte një sinjal të fortë për të ardhmen e tyre te kampionët e Italisë.