Dyshja e pandarë e Brazilit, Ronaldo dhe Roberto Carlos blejnë një ekip futbolli!

Ronaldo dhe Roberto Carlos, dy emra të paharrueshëm të futbollit brazilian, kanë investuar në një klub të ri. Legjendarët kanë blerë një pjesë të madhe të Inter de Limeira, një skuadër braziliane që militon në kategorinë e tretë.

Transaksioni përfshin 80% të aksioneve të klubit. Grupi investitor, në të cilin bëjnë pjesë edhe këto dy ish-yje, ka marrë kontrollin e skuadrës me bazë në qytetin e Limeiras, në shtetin e São Paulo.

Inter de Limeira, i njohur ndryshe si "Gjigandi i Limerias", është një institucion i vjetër futbolli. Klubi u themelua që në vitin 1913 dhe ka një histori të pasur në futbollin lokal.

Ekipi kaloi periudhën e tij më të lavdishme gjatë dekadës së 1980-të. Atëherë arriti kulmin duke fituar titullin kampion tëampionatit të shtetit Paulista, si dhe Serie B braziliane.

Vitet pasuese, 1990 dhe 2000, sollën vështirësi të mëdha. Klubi përjetoi disa rënie nga kategoria, duke rrëshkitur në nivele më të ulëta.

Sot, Inter de Limeira luan në Serie C të kampionatit brazilian. Megjithatë, me hyrjen e këtij investimi të madh, synimi i pronarëve të rinj është ambicioz. Ata duan të ngjisin skuadrën drejt majës së futbollit brazilian.