Duka reagon ndaj paketës së Ramës: Shfrytëzon të gjitha metodat që ta rrudhë protestën

Kreu i Partisë Agrare Ambientaliste, Agron Duka, e ka etiketuar si "idiotizëm" paketën ligjore të re që kryeministri Edi Rama e prezantoi ditën e parë për të sulmuar dhunën dhe anarkinë urbane.

Sipas Dukës, qëllimi i vërtetë i kreut të qeverisë është të ndalë protestat duke përdorur çdo metodë të mundshme.

"Rama do të shfrytëzojë të gjitha metodat që ta rrudhë protestën. Siç ka bërë me ca idiotizma që po të jesh në protestë je fajtor dhe duhet të dënohesh me gjobë. Janë budallallëqe. Pse bëhen hetime për këtë Erjonin (Vishkullin) që i ka gjuajtur me gurë? Bëhen që të gjendet fajtori. Sipas kësaj logjike është e gjithë policia fajtore. Mënyra e tij është gjithmonë që të rrudhë sa më shumë protestën", u shpreh Duka me zë të fortë.

Në këtë kontekst, ai i kërkoi opozitës të bashkëpunojë si Lëvizja Studentore në Serbi, duke qenë se përkundraci protestat do të prishen.

"Nëse ne nuk do të dimë të jemi në favor të këtij qëllimi kryesor, protesta do të rrudhet e do të rrudhet. Këta u bashkuan e panë ku ishte qëndra e rëndësisë e mbështetën dhe sollën rotacionin. Pavarësisht se ne mund të frymëzohemi nga ata kemi disa dallime kulturale", shtoi ai.