Droni rus godet trenin vetëm 2 km larg kufirit me Poloninë

Një dron rus godi lokomotivën e një treni pasagjerësh në rajonin Volyn të Ukrainës. Sulmi ndodhi vetëm dy kilometra larg kufirit me Poloninë. Autoritetet ukrainase konfirmuan se nuk ka raportime për viktima ose të lënduar.

Kompania shtetërore e hekurudhave, Ukrzaliznytsia, tha se sulmi u zbulua nga ekipi që monitoron kërcënimet ajrore. Pas detektimit, ekuipazhi i trenit u paralajmërua. Kjo i lejoi marrjen e masave të nevojshme për mbrojtjen e pasagjerëve dhe stafit.

Sulmi formoi pjesë nga një valë e gjerë e bombardimeve ruse. Sipas Forcave Ajrore ukrainase, gjatë natës Rusia lëshoi më shumë se 450 dronë. Sulmet në disa zona shkaktuan të paktën 3 vdekje dhe 36 persona të plagosur.

Për shkak të afërsisë së sulmeve pranë kufirit, Polonia kufizoi përkohësisht qarkullimin në disa hyrje kufitare me Ukrainën. Autoritetet polake aktivizuan gjithashtu avionë ushtarakë për të siguruar hapësirën ajrore të vendit. Megjithatë, ato theksuan se nuk u shënua asnjë shkelje territoriale polake.

Ministri i Jashtëm ucrainas Andrii Sybiha e cilësoi sulmin si një provë të drejtpërdrejtë ndaj sigurisë së Evropës. Ai deklaroi se “Rusia po troket në dyert e BE-së dhe NATO-s”. Sybiha kërkoi sanksione më të ashpra ndaj Moskës.