Drogë para cash, dhe peshore elektronike, 35-vjeçari arrestohet pranë shkollës në Kombinat! Në banesë iu gjetën…

Kapet me drogë pranë shkollës, prangoset 35-vjeçari në Kombinat

Policia e Tiranës ka arrestuar një 35-vjeçar në Kombinat.

Operacioni mban emrin e koduar “Shkolla të pastra”.

Qëllimi është goditja e shpërndarjes së narkotikëve rreth institucioneve arsimore.

Shtetasi me iniciale A. K. u kap në flagrancë.

Prangosja ndodhi jo larg një shkolle në Kombinat, brenda zonës së sigurisë.

Aksionin e kryen efektivët e Komisariatit Nr. 6. Ata bashkëpunuan me specialistët e Seksionit për Hetimin e Narkotikëve.

Ndërsa gjatë kontrollit fizik dhe atij në banesë u gjetën lëndë narkotike.

Policia sekuestroi mbi 1 kilogramë Cannabis Sativa. U gjet edhe një sasi kokaine.

Përveç drogës u bllokuan edhe sende të tjera.

Janë sekuestruar 3 peshore elektronike dhe 2 celularë.

U gjet gjithashtu një shumë parash cash. Dyshohet se paratë vijnë nga shitja e dozave.

Sipas hetimeve, 35-vjeçari synonte tregtimin pranë shkollave.

Ai dyshohet se vepronte edhe në ambiente të tjera në Kombinat.

Lajmi u bë publik sot, më 5 tetor, nga policia e kryeqytetit.

Materialet procedurale i kaluan Prokurorisë. Ajo do të ndjekë hapat e mëtejshëm ligjorë.