“Do paraqitem nesër”- Publikimi i videove intime në rrjete, dëshmia e kompozitorit Adrian Hila për Policinë! Dy nga viktimat…

Kompozitori Adrian Hila ka deklaruar se do të paraqitet nesër për të dëshmuar në polici lidhur me videot intime të shpërndara në rrjetet sociale. Ai ka bërë me dije se aktualisht nuk ndodhet në Tiranë, prandaj paraqitja është shtyrë për ditën e nesërme.

Hila pretendon se është vetë viktimë në këtë rast. Sipas tij, materialet janë publikuar pa dijeninë e tij dhe janë siguruar përmes hakerimit.

Top Channel raporton se policia ka kontaktuar katër personazhe publike të identifikuara në videot e shpërndara online. Kontaktimi është bërë në kuadër të hetimeve për zbardhjen e plotë të ngjarjes.

Dy prej personave të kontaktuar kanë shprehur gatishmëri për të bashkëpunuar me autoritetet. Ndërsa dy të tjerët janë të tronditur dhe ende nuk kanë mundur të japin dëshmi.