Dalin pamjet e frikshme nga kamerat e sigurisë/ Makina përplas urbanin dhe e nxjerr nga korsia në Tiranë

Pamje të frikshme nga kamerat e sigurisë kanë kapur momentin e aksidentit të rëndë që tronditi mëngjesin e sotëm një prej rrugëve kryesore të Tiranës. Ngjarja ndodhi në rrugën “Bardhyl”, ku një automjet i drejtuar me shpejtësi ka goditur një autobus të transportit publik.

Si pasojë e përplasjes së fortë, urbanit iu pre rruga. Mjeti devijua nga korsia e vet dhe përfundoi duke goditur një motor që ishte parkuar aty pranë. Nga të dhënat e para në vendngjarje, rezulton se shoferi i makinës ka humbur kontrollin mbi drejtimin e automjetit.

Skena ka qenë e tmerrshme. Autobusi, duke dalë nga kontrolli, ka rrezikuar drejtpërdrejt jetën e një kalimtari. Ky i fundit arriti të shpëtojë mrekullisht, në sekondat e fundit para se mjeti të kalonte mbi të.

Regjistrimi i plotë i incidentit, i kapur nga syri i kamerës së sigurisë, dëshmon perballjen e papritur midis dy mjeteve dhe pasojat menjëherë më pas. Policia dhe shërbimet e emergjencës mbërritën menjëherë në vendngjarje për të menaxhuar situatën.