Çmimet e energjisë vazhdojnë të rriten mes tensioneve të vazhdueshme SHBA-Iran

Çmimet e karburanteve shënojnë rritje të ndjeshme teksa qëndrojnë ende të larta tensionet midis Uashingtonit dhe Teheranit.

Për të dytën ditë radhazi, vlerat e naftës brut në tregjet ndërkombëtare vijuan trendin e shtrenjtimit. Nafta llojit Brent kapi 102.3 dollarë për fuçi, duke u rritur me 1.1 për qind. Rritje të ngjashme pësoi edhe lloji amerikan West Texas Intermediate, që shkoi në 97.5 dollarë për fuçi, me 1.5 për qind më shumë.

Edhe tregu i gazit natyror u ndikua nga ky dinamik. Indeksi referencë i Bashkimit Europian u rrit me 2.4 për qind, duke kaluar shifrën e 81 eurove, ekuivalent me 94.2 dollarë. Ky është niveli më i lartë i regjistruar që nga dhjetori i vitit 2022.

Në një deklaratë të bërë dje, Presidenti i Shteteve të Bashkuara, Donald Trump, lidhi drejtpërdrejt këto çmime të larta me politikën e shtetit të tij për të penguar programin bërthamor të Iranit.

Situata u përkeqësua pasiIrani njoftoi mbylljen e Ngushticës së Hormuzit më 12 gusht. Si arsye u dhanë sulmet ajrore amerikane. Që atëherë, lëvizja e anijeve në këtë rrugë ujore jetike ka rënë ndjeshëm.

Ngushtica mbetet një pikë kalimi strategjike globale, veçanërisht për furnizimin me naftë të papërpunuar. Çdo bllokim aty cenon seriozisht zinxhirët e furnizimit energjetik në shkallë botërore. /AA/